Lajm i Fundit: AI ËSHTË KTHYER PËRSËRI… lexo më shumë

Kampionati “Abissnet Superiore” rikthehet të premten, më 10 janar, me ndeshjet e javës së 20-të.

Egnatia vs. Laçi dhe Bylis vs. Dinamo City janë dy ndeshjet e para të javës. Të dyja do të luhen në orën 13:30.

E premtja do të kulmojë me përballjen klasike të futbollit shqiptar, Vllaznia vs. Tirana. Ndeshja do të zhvillohet në stadiumin “Loro Boriçi” në orën 17:00.

Java e 20-të do të përfundojë të shtunën me dy ndeshjet e fundit: Partizani vs. Skënderbeu dhe AF Elbasani vs. Teuta, të dyja në orën 17:00. Të kuqtë do të presin Skënderbeun në “Arenën e Demave,” ndërsa në “Elbasan Arena,” vendasit do të përballen me Djemtë e Detit.

Të gjitha ndeshjet e kampionatit “Abissnet Superiore” do të transmetohen drejtpërdrejt në kanalet RTSH.